Samsung Galaxy A9 (2016) Unboxing [4K]

တၢင်းပဵၼ်ဢၼ်ၸပ်းမႃးၸွမ်းယုင်း( ၼၢဝ်သၼ်ႇ)

တၢင်းပဵၼ်ၼၢဝ်သၼ်ႇၼၼ်ႉ မၼ်းၸပ်းမႃးၸွမ်းယုင်းၵူၼ်ႈၵွင်ႇတူဝ်မႄႈမၢႆထိုင်ယုင်းဢဝ်ၸိူဝ်ႉ တၢင်း ပဵၼ် တီႈၵေႃႉၼိုင်ႈၵႂႃႇၸပ်းသႂ်ႇထႅင်ႈၵေႃႉၼိုင်ႈ၊  မိူၼ်ၼင်ႇယုင်းၵူၼ်ႈၵွင်ႇတူဝ်မႄႈတူဝ် ၼိုင်ႈ ၵႂႃႇၶူပ်း ၸုပ်ႇလိူတ်ႈၵူၼ်းၵေႃႉ ပဵၼ်တၢင်းပဵၼ်ၼၢဝ်သၼ်ႇသေ ၵႂႃႇၶူပ်းထႅင်ႈၵေႃႉၼိုင်ႈ ၼၼ်ႉ ၸၢင်ႈႁဵတ်းႁႂ်ႈ တၢင်းပဵၼ်ဢၼ်ၼႆႉၽႄႈၼမ်မႃး။

ၽၢင်ႁၢင်ႈတၢင်းပဵၼ်

မိူဝ်ႈတႄႇၸပ်းတၢင်းပဵၼ်ဢၼ်ၼႆႉငဝ်းလၢႆးမၼ်းတေပဵၼ်  ၼၢဝ်ဝတ်း၊  ၶူပ်းၶူပ်းၶိုၼ်ႈၶိုၼ်ႈ ၸွမ်းလုပ်ႇ ၸွမ်းဢဵၼ်၊ ၸွမ်းၼိူဝ်ႉၸွမ်းတူဝ်၊ တွင်ႉၶူၼ်ႉၶႂ်ႈဢေႃႉၶႂ်ႈႁၢၵ်ႈလႄႈဢိမ်ႇမိူဝ်ႇဢႁႃႇ ရတၢင်းၵိၼ် ဢမ်ႇၶႂ်ႈ ၵိၼ်ၶႂ်ႈယႅမ်ႉ။   ၽၢင်ႁၢင်ႈၸိူဝ်းၼႆႉတေဢမ်ႇပဵၼ်ႁိုင်၊ ယူႇတီႈၸိူဝ်ႉမႅင်း တၢင်းပဵၼ်ဝႃႈ။ မၼ်းယူႇၼႂ်း တူဝ်ၵူၼ်းႁဝ်းႁိုင်ၵႃႈႁိုဝ်  မၼ်းၸဵဝ်းဢွၵ်ႇၽၢင်ႁၢင်ႈဢမ်ႇၼၼ် ၼၢၼ်းဢွၵ်ႇၽၢင်ႁၢင်ႈ။

ၵူၼ်းပဵၼ်တေၵတ်းသၼ်ႇ သီႇသူပ်းလႄႈၼႃႈတေႁႅတ်ႇ လူမ်းၼၢဝ်သုင်၊ တွင်ႉၶူၼ်ႉ၊ ဢေႃႉႁၢၵ်ႈ၊ တူဝ်မႆႈ၊ ၵႆႉၵႆႉတွင်ႉမႆႈၼမ်ႉ တေပဵၼ်ငဝ်းလၢႆးၸိူဝ်းၼႆႉ 2-6 ၸူဝ်ႈမူင်း။ မၢင်ၸိူဝ်းဢၼ်မီးႁႅင်း ၵမ်ႉၶၢမ်ႇတူဝ်ဢမ်ႇ ပေႃးသုင်ၼၼ်ႉၵေႃႈတေပဵၼ်ႁၢဝ်ႉႁႅင်းဝႆႉ။ ၵူၺ်းၵႃႈမၼ်းယူႇတီႈဢႃယု ၵူၼ်းပဵၼ်ထႅင်ႈၵမ်းၼိုင်ႈ။  မၢင်ၸိူဝ်းဢၼ်လိူတ်ႈလူမ်းႁၢႆႉၼၼ်ႉတႄႉပဵၼ်ငၢၼ်းသေလိုမ်းတူဝ်၊ သင်ဢမ်ႇတၼ်းယူတ်းယႃၸွမ်းၸိုင် ၸၢင်ႈထိုင်ဢႃယုသၢႆၸႂ်တၢႆၽၢၵ်ႇလႆႈ ၼႆယဝ်ႉ။

တၢင်းပဵၼ်ဢၼ်ၼႆႉၵမ်ႉပႃႈၼမ်တေပဵၼ်ၼႂ်းၶၢဝ်းၾူၼ် ယွၼ်ႉဝႃႈၾုၼ်တူၵ်းလႄႈၼမ်ႉၶမ်ၼႂ်း မေႃႈဝၢၼ်ႇယွၵ်းသေႁဵတ်းႁႂ်ႈ ယုင်းၶႆႇလႆႈငၢႆႈလႄႈၽႄႈလုၵ်ႈလၢၼ်မၼ်းလႆႈၼမ်။

ငိၼ်းၸူမ်း

ငိၼ်းၸူမ်းႁပ်ႉတွၼ်ႈယူႇဢေႃႈ မိူဝ်းၼႃႈမႃး တေၶတ်းၸႂ်တႅမ်ႈဢွၵ်ႇယူႇ

news

ႁူပ်ႉထူပ်းတွင်ႈထၢမ် ၸၢႆးၶိူဝ်းသႅင် ၵဵဝ်ႇလူၺ်ႈလွင်ႈ သၢၼ်ၶတ်း ၶူင်းၵၢၼ်သၢင်ႈၾၢႆ
Thursday, 13 August 2015 23:39 ပၢင်လူင်
ၽူႈၶၢၼ်ပၢၵ်ႇ ၸုမ်းတူင်ႉၼိုင်တူင်ႇဝူင်းၵူၼ်း ၼွၵ်ႈမိူင်း ၼႂ်းမိူင်း (ဢၼ်ႁူမ်ႈၵၼ်ဝႆႉ 16 ၸုမ်း) ၸၢႆးၶိူဝ်းသႅင် တွပ်ႇလၢတ်ႈ လွင်ႈသၢၼ်ၶတ်း ၶူင်းၵၢၼ်ၵေႃႇသၢင်ႈၾၢႆ ၼႂ်းမိူင်းတႆး လႄႈ ၸိုင်ႈမိူင်းႁူမ်ႈတုမၢၼ်ႈ။ လွင်ႈၼႆႉ ၸုမ်းၶၢဝ်ႇၽူႈတွႆႇႁွၵ်ႈ လႆႈတွင်ႈထၢမ်ဝႆႉ ၼင်ႇၼႆ။



(တွၼ်ႈ 2 ၊ သိုပ်ႇမႃးတွၼ်ႈ 1)


ၵမ်းၼႆႉမႃး ၶဝ်ၵႂႃႇတီႈဝႃႉ၊ ၶဝ်ယွၼ်းၶႂၢင်ႉ တေၵႂႃႇၵဵပ်းတီႈမၢၵ်ႇမၢင်။ ယွၼ်းၶဝ်ႈသေ ဝႃႉၵေႃႈဢမ်ႇပၼ်ၶဝ်ႈ။ ဝႃႉၶဝ်လၢတ်ႈၵႂၢမ်းႁၢင်ႈလီဝႃႈ မိူဝ်ႈလဵဝ်ၼႆႉ ငဝ်းလၢႆးၵၢၼ်မိူင်းဢမ်ႇပေႃးၶႅမ်ႉ၊ ငဝ်းလၢႆးၾၢႆႇႁူမ်ႇလူမ်ႈၵေႃႈ ဢမ်ႇပေႃးလီ၊ ၵွပ်ႈၼၼ် ၶၢဝ်းၼႆႉၶဝ်ႈပႆႇလႆႈ။ ၵူၺ်းၵႃႈ ထႅင်ႈ 2-3 လိူၼ် သင်ၸိူဝ်ႉဝႃႈၶႂ်ႈဢုပ်ႇႁဝ်းၵေႃႈ မႃးလႆႈ။



ထႅင်ႈလွင်ႈၼိုင်ႈ ၶဝ်ၵေႃႈၵႂႃႇမိူင်းလႃးၼင်ႇၵဝ်ႇ။ ၵူၺ်းၵႃႈ ၸုမ်းမိူင်းလႃးၵေႃႈ ဢမ်ႇယွမ်းႁပ်ႉၶဝ်။ မိူင်းလႃးၵေႃႈတွပ်ႇဝႃႈ မီးယူႇတၢင်းလိူၵ်ႈဢၼ်ၼိုင်ႈ၊ သင်ၸိူဝ်ႉဝႃႈ ၶႂ်ႈၶဝ်ႈၼႂ်းမိူင်းလႃးၼႆၵေႃႈ တေလႆႈမႃးဢုပ်ႇတီႈၾၢႆႇပူၵ်းပွင် လႅၼ်လိၼ် (ၼတလ) တီႈၵဵင်းတုင်။ ၵူၺ်းၵႃႈ ၶဝ်ဢုပ်ႇပႆႇဢုပ်ႇတႄႉ ႁဝ်းၵေႃႈပႆႇလႆႈၶေႃႈမုလ်း၊ ၶဝ်ၵေႃႈသိုပ်ႇလူင်းပိုၼ်ႉတီႈ တႃႇတေလႆႈ EIA, SIA သေ တႅမ်ႈလိၵ်ႈပၼ်တီႈၵူၼ်းသၢင်ႈၾၢႆဝႃႈ- ထုၵ်ႇလီသၢင်ႈၾၢႆႁႃႉ ဢမ်ႇထုၵ်ႇလီသၢင်ႈၾၢႆႁႃႉ။ ၵူၺ်းၵႃႈ တီႈလမ်ႇလွင်ႈတီႈသုတ်း ၶွမ်ႊပၼီႊ SMEC ဢေႃႊသတြေႊလီႊယိူဝ်ႊ မႃးၵဵပ်း EIA, SIA ၼႆႉ ပဵၼ်ၵူၼ်းသၢင်ႈၾၢႆ ၸၢင်ႈၶဝ်မႃးႁဵတ်း၊ ၵမ်ႈၼမ် ၶဝ်တေဝႃႈၶဝ်ပဵၼ်ၶွမ်ႊပၼီႊလွတ်ႈလႅဝ်း၊ ၵူၺ်းၵႃႈ တႃႇၶဝ်တေမႃးႁဵတ်းၼႆႉ ၵူၼ်းၸၢင်ႈမၼ်းပဵၼ် ၵူၼ်းလူင်းတိုၼ်းတႃႇတေသၢင်ႈၾၢႆ။ ၵွပ်ႈၼၼ် မၼ်းၶဝ်ႈၶၢင်ႈ (ၸုၵ်းၾၢႆႇ) ၵူၼ်းမိူင်းယူႇႁႃႉ၊ ပေႃးဝႃႈၶဝ်ႈၶၢင်ႈၵူၼ်းမိူင်းၼႆ ႁဝ်းယၢမ်ႈထၢမ်ၶဝ်ဝႃႈ ၾွမ်ႊဢၼ်သူၵဵပ်း EIA, SIA မီးၸိူင်ႉႁိုဝ် ပိုတ်ႇၼႄႁဝ်းလႄႈ၊ ၶဝ်ဢမ်ႇပိုတ်ႇၼႄ။



ပေႃးယဝ်ႉ ပေႃးဝႃႈသူပဵၼ်မုၵ်ႉၸုမ်းလွတ်ႈလႅဝ်း တႃႇႁဵတ်းသၢင်ႈဢၼ်ၼႆႉ သူတေၶဝ်ႈၶၢင်ႈၵူၼ်းမိူင်း လႆႈၸိူင်ႉႁိုဝ် လႄႈ တေပၼ်လွင်ႈႁပ်ႉႁွင်း (ဢႃႈမၶၢမ်ႇ) ၵူၼ်းမိူင်းလႆႈၸိူင်ႉႁိုဝ်၊ ဝႃႈမၼ်းတေတုမ်ႉတိူဝ်ႉ ၼမ်ႉတေထူမ်ႈ၊ မိူဝ်ႈၶဝ်ၵႂႃႇလၢတ်ႈတီႈၵူၼ်းဝၢၼ်ႈၼႆႉ ၶဝ်ဢမ်ႇလၢတ်ႈဝႃႈၼမ်ႉတေထူမ်ႈ၊ ၵူၼ်းဝၢၼ်ႈဢၼ်ႁပ်ႉႁူႉ လႆႈၶေႃႈမုလ်းဝႆႉၸိူဝ်းၼၼ်ႉ ၶဝ်ၵေႃႈထၢမ်၊ ၵမ်းၼႆႉ ၶဝ်ဢမ်ႇၸၢင်ႈႁဵတ်းႁိုဝ် ၵႃႈလႆႈလၢတ်ႈ၊ လၢတ်ႈဝႃႈ ၵွပ်ႈပိူဝ်ႈၼမ်ႉတေထူမ်ႈလႄႈ ႁဝ်းမႃးၵဵပ်းၶေႃႈမုလ်း၊ ဢၼ်ၼႆႉမၼ်းၵေႃႈဢွၵ်ႇမႃးၵမ်းလွႆးလွႆး။



ပဵၼ်ႁိုဝ်ၵေႃႈယဝ်ႉ ၶွမ်ႊပၼီႊ SMEC ၼႆႉ ၼင်ႇႁိုဝ်ႁႂ်ႈမၼ်းပူၼ်ႉၶၵ်ႉတွၼ်ႈ တႃႇသၢင်ႈၾၢႆၼႆႉ မၼ်းၵေႃႈႁဵတ်း။ ၵူၺ်းၵႃႈ ဢၼ်မၼ်းမႃးၸၢင်ႈၼႆႉ သမ်ႉပဵၼ်ၵူၼ်းၼႂ်းမိူင်း ႁူမ်ႈတုမ်လၢႆလၢႆ၊ မိူဝ်ႈၵူႈပွၵ်ႈတႄႉ ပႃးၵူၼ်းၼွၵ်ႈမိူင်းမႃးပႃးယူႇ၊ ၵမ်းလိုၼ်းမႃး ပဵၼ်ၵူၼ်းဢၼ်ၶဝ်ၵိၼ်ၸၢင်ႈသေ လူင်းၵႂႃႇ၊ ဢၼ်ၼႆႉၵေႃႈ ပိူဝ်ႈတႃႇႁဝ်းတေလၢတ်ႈတေႃႇၵၼ်ၼႆႉ မၼ်းၵေႃႈတေပိူင်ႈဢိတ်းဢိတ်း။ ၵွပ်ႈပိူဝ်ႈၼၼ်လႄႈ ၼင်ႇႁိုဝ်ၶဝ်တေၵိုတ်းလွင်ႈႁဵတ်းၵၢၼ်၊ လွင်ႈႁဵတ်းၶၵ်ႉတီႈ 2 ၼႆႉတႄႉ ႁဝ်းၵေႃႈဢွၼ်ၵၼ်သၢၼ်ၶတ်းယူႇ။



ထၢမ်-ၾၢႆဢၼ်တေႁဵတ်းတီႈ မိူင်းတူၼ်ၼႆႉ တေႁဵတ်းဢွၵ်ႇႁႅင်းၾႆးၾႃႉ မွၵ်ႈၵႃႈႁိုဝ်ၶႃႈ ?။



တွပ်ႇ-ၾၢႆမိူင်းတူၼ်ဢၼ်လဵဝ်ၵူၺ်း တေႁဵတ်းဢွၵ်ႇႁႅင်းၾႆးၾႃႉၸဵတ်းႁဵင် (7,000 မႄႊၵဝတ်ႊ)။ ၵမ်ႈၼမ်ၾႆးၾႃႉၼႆႉ တေဢဝ်ၵႂႃႇၸႂ်ႉတီႈမိူင်းၶႄႇလႄႈမိူင်းထႆး၊ ၵူၼ်းၵမ်ႈၼမ် တေၸႂ်ႉဝႃႈၶၢႆ၊ ၾႆးၾႃႉတေၶၢႆပၼ်မိူင်းၶႄႇလႄႈ မိူင်းထႆးၵမ်ႈၼမ်။ ႁဝ်းတႄႉ ဢမ်ႇၶႂ်ႈၸႂ်ႉဝႃႈၶၢႆ။ ၵၢၼ်ဢၼ်ဝႃႈ ႁဝ်းၶၢႆၾႆးၾႃႉဢၼ်ဝႃႈၼႆႉ မိူၼ်ၼင်ႇႁဝ်းၶၢႆၶွင် သူၶၢႆၶွင်၊ ႁဝ်းၵႂႃႇသိုဝ်ႉၶွင်သူ၊ ႁဝ်းတေလႆႈဢဝ်ငိုၼ်းပၼ်သူ၊ ဢၼ်ၼႆႉ မၼ်းပဵၼ်ၵၢၼ်သိုဝ်ႉၶၢႆ။ ၵၢၼ်ဝႃႈၶၢႆပၼ်မိူင်းထႆးၼႆၼႆႉ တီႈပွင်ႇမၼ်းပဵၼ်ၸိူင်ႉၼၼ်။ ၵူၺ်းၵႃႈ ၾႆးၾႃႉၼႆႉ ဢဝ်ၵႂႃႇၸႂ်ႉၼႂ်းမိူင်းထႆး မိူင်းၶႄႇၵမ်ႈၼမ်ၼႆႉ ႁဝ်းဢမ်ႇလႆႈၵႃႈမၼ်း မႃးၶိုၼ်း။ ၵွပ်ႈပိူဝ်ႈဝႃႈ ငိုၼ်းတႃႇတေလူင်းတိုၼ်းလၢင်း ၼိူဝ်ၾၢႆမိူင်းတူၼ်ၼႆႉ 12 Billion $US ၊ လၢၼ်ႉပွင်းမၼ်းမိုၼ်ႇသွင် US ၻေႃႊလိူဝ်ႊ။



ၵွပ်ႈပိူဝ်ႈၼၼ်လႄႈ ငိုၼ်းဢၼ်လူင်းတိုၼ်းၸိူဝ်းၼႆႉ ပိူၼ်ႈဢဝ်ငိုၼ်းပိူၼ်ႈမႃးလူင်းတိုၼ်းယဝ်ႉ၊ ၵမ်းၼႆႉ လႆႈၾႆးၾႃႉမႃးၵေႃႈ ပိူၼ်ႈတေၸၼ်ဢဝ်ၵႂႃႇၸႂ်ႉမိူင်းပိူၼ်ႈ၊ ၵွပ်ႈဝႃႈ ထီႉ 1 ပိူၼ်ႈလူင်းတိုၼ်းဝႆႉယဝ်ႉ၊ ႁဵတ်း 13 ပီ၊ လင်ႁဵတ်းယဝ်ႉ ၾႆးၾႃႉၼႆႉ ၶဝ်တေၸၼ်ၵၼ်ႊထရႅၵ်ႊမၼ်း တႃႇ 40 ပီ။ ၵွပ်ႈၼၼ်လႄႈ ၼႂ်းၶၢဝ်းတၢင်း 40 ပီၼႆႉ ၶဝ်တေဢဝ်ၶၢႆတေႃႇပေႃးလႆႈၶိုၼ်း ငိုၼ်းတိုၼ်းလၢင်းၶဝ်၊ ၵွပ်ႈၼၼ် ႁဝ်းၶၢႆၾႆးၾႃႉၼႆ ယႃႇၵိူဝ်းဝႃႈတေလႆႈငိုၼ်း။ မၼ်းဢမ်ႇၸႂ်ႈၶၢႆၾႆးၾႃႉ၊ ဢဝ်ၵႂႃႇၸႂ်ႉ၊ ၵွပ်ႈပိူၼ်ႈဢဝ်ငိုၼ်းမႃးလူင်းတိုၼ်းယဝ်ႉ။ ၵွပ်ႈပိူဝ်ႈၼၼ်လႄႈ ၶဝ်ၸႂ်ႉဝႆႉဝႃႈၶၢႆ၊ ပေႃးဝႃႈၶၢႆၼႆ ၵူၼ်းတင်းၼမ်တေႁၼ်ဝႃႈ ၶဝ်ၶၢႆၾႆးၾႃႉ ၶဝ်လႆႈငိုၼ်းၶဝ်ႈ၊ ၵူၺ်းၵႃႈ မၼ်းဢမ်ႇလႆႈငိုၼ်းၶဝ်ႈ၊ ၵွပ်ႈဝႃႈငိုၼ်း 12 Billion ၼႆႉ ၶဝ်မႃးၸႂ်ႉဝႆႉယူႇယဝ်ႉ၊ ၵွပ်ႈၼၼ် ၶဝ်ၵႂႃႇၶၢႆၾႆးၾႃႉ ၶဝ်လႆႈၵႂႃႇယဝ်ႉၵေႃႈ ၶဝ်တေဢဝ်တိုၼ်းလၢင်းမၼ်းၶိုၼ်း၊ ၶဝ်တေဢဝ်ၼမ်ႉတွၼ်းမၼ်းၶိုၼ်း။ ၵွပ်ႈပိူဝ်ႈဝႃႈ ငိုၼ်း 12  Billion သၢင်ႈၾၢႆၼႆႉ ၶဝ်မႃးၸႂ်ႉဝႆႉယူႇယဝ်ႉ။ ၵွပ်ႈပိူဝ်ႈၼၼ် ၶဝ်ဢဝ်တိုၼ်းလၢင်း ၶဝ်ၶိုၼ်း ၼမ်ႉတွၼ်းၶဝ်ၶိုၼ်း၊ ၵႃႈဢမ်ႇတဵမ် 12  Billion ၶဝ်ႁိုဝ်တေပႃႈပၼ်ႁဝ်း။ ၵွပ်ႈၼၼ်လႄႈ ၾႆးၾႃႉၼႆႉ မၼ်းဢမ်ႇၸႂ်ႈၶၢႆ၊ ပိူၼ်ႈမႃးသၢင်ႈသေ ဢဝ်ၵႂႃႇၸႂ်ႉၵူၺ်း။

(ၶႅၼ်းတေႃႈ သိုပ်ႇပႂ်ႉဢၢၼ်ႇထႅင်ႈ တွၼ်ႈ 3) 

လၢႆးႁဵတ်း ဢၵွင်ႉ Email လႄႈ ဢၵွင်ႉ Facebook မႂ်ႇ

ယိူင်းထိုင်တႆး

မႂ်ႇသုင်ၶႃႈ ပလွၵ်ႉဢၼ်ၼႆႉ ယိူင်းဢၢၼ်းတႃႇတႆးလႄႈ တေၶတ်းၸႂ်ႁဵတ်း ယွၼ်ႉမိူဝ်ႈလဵဝ် ဢမ်ႇပႆႇမီးၶၢဝ်းယၢမ်းလႄႈ ၽႂ်ၽူႈလႂ်မီးၸႂ်ႈၶႂ်ႈ ၶဝ်ႈတၢင်ႇလႄႈ ၶႂ်ႈယိပ်းတိုဝ်းမူၼ်ႉမႄးၼႆၵေႃႈ ၵပ်းသိုပ်ႇမႃးလႆႈယူႇၶႃႈ aimtai.it@gmail.com